Vaksina Covid/ Pfizer kërkon autorizimin e përdorimit emergjent në Evropë  

Pfizer dhe partneri i saj gjerman BioNTech i kanë kërkuar rregullatorit evropian të barnave që të autorizojë përdorimin emergjent të vaksinës së tyre Covid-19, duke hapur rrugën për shpërndarjen e tij të parashikuar në të gjithë kontinentin.

Kompanitë e tjera ndjekin shembullin e Moderna e cila ka kryer një rishikim të vaksinës me dy doza që nga 6 tetori, duke kërkuar miratimin nga Agjencia Evropiane e Barnave (EMA).

EMA tha se do të mbante një takim deri në 29 dhjetor për të përcaktuar nëse vaksina ishte e sigurt dhe efektive aq sa të aprovohej. Gjithashtu EMA shtoi se mund të vendoste që në 12 janar nëse do të aprovonte vaksinën e zhvilluar nga Moderna.

Aplikimi në EMA, vjen pasi Pfizer dhe BioNTech aplikuan për aprovim nga SHBA në 20 nëntor, duke i çuar ata një hap më afër përdorimit të vaksinës së tyre.

Të dhënat nga prova klinike në shkallë të gjerë e Pfizer, u paraqitën gjithashtu javën e kaluar në Agjencinë Rregullatore të Medicines dhe Shëndetit të Mbretërinë e Bashkuar (MHRA) për të kërkuar miratimin e vaksinës.

“Ne e kemi ditur që nga fillimi i këtij udhëtimi që pacientët po presin dhe ne jemi gati të dërgojmë doza të vaksinës Covid-19 sa më shpejt që të na lejojnë autorizimet e mundshme,” tha shefi ekzekutiv i Pfizer Albert Bourla në një deklaratë të martën.

Ministri gjerman i shkencës, tha se të njëjtat standarde sigurie po zbatohen në procesin e aprovimit për vaksinat e koronavirusit si për barnat e tjerë dhe se kjo do të ishte thelbësore për të fituar pranimin sa më të gjerë publik për imunizimin Covid./ Indipendent/

 

Be the first to comment

Leave a Reply

Your email address will not be published.


*