‘Ekonomia globale tkurret 3.2 për qind këtë vit’/ Parashikimi i zymtë i OKB

Në parashikimet e Organizatës së Kombeve të Bashkuara (OKB), parashikohet që ekonomia globale do të tkurret 3.2 për qind këtë vit për shkak të Covid-19.

Raporti i publikuar sot në lidhje me gjendjen ekonomike botërore, për gjysmën e dytë të 2020, thuhet se ekonomia globale do të shfaqë një tkurrje të mprehtë 3.2 për qind këtë vit, e nxitur nga shpërthimi i Covid-19.

Duke theksuar se tkurrja në ekonomi do të jetë më e madhja që nga ‘Depresioni i Madh’ në vitet 1930, në raport thuhet se ekonomia globale pritet të humbasë rreth 8.5 trilionë dollarë në vitin 2020 dhe 2021, për shkak të epidemisë dhe fitimet e fundit katërvjeçare do të zhduken.

Raporti parashikon që ekonomitë e zhvilluara do të tkurren me 5 për qind këtë vit dhe 3.4 për qind më 2021.

Po ashtu thuhet se ka një rënie të mprehtë të kërkesës globale dhe zinxhiri i furnizimit u përkeqësua, dhe se tregtia ndërkombëtare do të kontraktohej me rreth 15 për qind këtë vit.

Covid-19 gjithashtu rriti varfërinë dhe pabarazinë e të ardhurave dhe kjo epidemi ka të ngjarë të bëjë që 34.3 milionë njerëz të bien nën kufirin e “varfërisë ekstreme” këtë vit dhe 56 për qind e rritjes së varfërisë do ndodhin në vendet afrikane, përfundon raporti.

Be the first to comment

Leave a Reply

Your email address will not be published.


*