Bie lehtë numri i viktimave dhe rasteve me Covid në Kosovë

Members of the University Clinical Center of Kosovo in protective gear walk past a sign reading "Ambulance For Coronavirus" at the University Clinical Center of Kosovo in Pristina on March 14, 2020. - Kosovo reported its first coronavirus (COVID-19) case on March 13, 2020, in a 22-year-old Italian woman and a 77-year-old Kosovar man, both recently returned from Italy. (Photo by Armend NIMANI / AFP)

Instituti Kombëtar i Shëndetësisë Publike (IKSHPK) ka raportuar të premten për tre pacientë të vdekur dhe 181 të infektuar me koronavirusin e ri brenda 24 orëve.

Të infektuarit janë identifikuar pas 463 testimit të mostrave, raporton Rel.

Marrë parasysh shifrat e fundit, numri i personave të infektuar në Kosovë me sëmundjen Covid-19, që shkakton koronavirusi, ka arritur në 9,869.

Prej tyre, 303 kanë vdekur, derisa, 5,480 janë shëruar.

Kosova ka regjistruar rastet e para me koronavirus më 13 mars.

Përgjatë konferencës për media, ku janë bërë të ditura këto shifra, ministri i Shëndetësisë në Kosovë, Armend Zemaj ka njoftuar se nga java e ardhshme pritet që 33 institucione shëndetësore private të nisin testimin për koronavirus.

Ai ka thënë se prej tyre, 31 laboratore do të kryejnë teste serologjike, derisa dy të tjerë do të vërtetojnë nëse qytetarët janë të infektuar në kohën e testimit me këtë virus.

Përmes testeve serologjike kuptohet nëse një organizëm është prekur nga virusi në të kaluarën.

Megjithatë ministri Zemaj ka thënë se para nisjes së punës së këtyre laboratoreve zyrtarë të inspektoratit shëndetësor do të bëjë vlerësimin e gjendjes në bashkëpunim me IKSHPK-në.

“Nëse kjo mbikëqyrje garantohet atëherë do të kalojmë në fazën e testimit”, ka deklaruar ai.

Be the first to comment

Leave a Reply

Your email address will not be published.


*