‘Zgjidhja e konfliktit në Karabak’/ Azerbajxhani kërkon prezencën e Turqisë në proces

Lidhur me procesin e zgjidhjes në konfliktin e fundit në vijën e frontit Azerbajxhan-Armeni, Presidenti i Azerbajxhanit, Ilham Aliyev, ka deklaruar se Turqia duhet të marrë pjesë, raporton Anadolu Agency (AA).

“Turqia, me pozicionin e saj të fortë në komunitetin ndërkombëtar, duhet të marrë pjesë në procesin e zgjidhjes në Malësinë e Karabakut”, tha Aliyev.

Presidenti azer theksoi se mjetet ajrore të avancuara pa pilot (UAV) të Turqisë treguan potencialin e vendit, Aliyev tha se UAV ndihmojnë në uljen e numrit të viktimave në zonën e konfliktit.

Sipas tij, Armenia po përpiqet të tërheqë Rusinë në luftë duke sulmuar territoret e Azerbajxhanit.

“Armenët po jetojnë në Azerbajxhan. Ne nuk kemi asnjë problem me popullin armen. Populli armen është peng e fuqisë së tyre”, tha Aliyev, duke shtuar se ata do të jetojnë së bashku në Malësinë e Karabakut kur të mbarojë politika pushtuese armene.

Luftimet filluan më 27 kur forcat armene shënjestruan vendbanimet civile të Azerbajxhanit dhe pozicionet ushtarake në rajon, veprim që shkaktoi edhe viktima.

Konflikti në Malësinë e Karabakut

Marrëdhëniet midis dy ish-republikave sovjetike kanë qenë të tensionuara që nga viti 1991, kur ushtria armene pushtoi Malësinë e Karabakut, një territor ndërkombëtarisht i njohur i Azerbajxhanit.

Shumë rezoluta të Kombeve të Bashkuara (OKB), si dhe shumë organizata ndërkombëtare kërkojnë tërheqjen e forcave pushtuese.

Grupi i Minskut i OSBE-së, i bashkë-kryesuar nga Franca, Rusia dhe SHBA, u formua në vitin 1992 për të gjetur një zgjidhje paqësore të konfliktit, por deri më tani pa rezultate. Megjithatë, për një armëpushim u ra dakord në vitin 1994.

Shumë fuqi botërore, përfshirë Rusinë, Francën dhe SHBA-të, kanë kërkuar një armëpushim të menjëhershëm në tensionet e fundit. Ndërkohë, Turqia ka mbështetur të drejtën e Bakut për vetëmbrojtje.

 

Be the first to comment

Leave a Reply

Your email address will not be published.


*