​A vlejnë ‘pasaportat e imunitetit’? Studimi kinez tregon sa kohë zgjasin antitrupat ndaj COVID-19

Një studimi i ri kinez, ngre pyetje në lidhje me kohëzgjatjen e çdo imuniteti ndaj koronavirusit të ri.

Nivelet e antitrupave në pacientët që mbijetuan Covid-19 ranë në mënyrë të konsiderueshme për dy deri në tre muaj pas infeksionit, në të dy llojet e pacientëve, simptomatikë dhe asimptomatikë.

Hulumtimi tregon për rreziqet e përdorimit të “pasaportave të imunitetit” për Covid-19 dhe mbështet shtrirjen e masave të shëndetit publik, siç është distanca sociale dhe izolimi i më shumë njerëzve me rrezik të lartë, thanë studiuesit në botimin e revistës Nature Medicine.

Studimi, i cili përfshinte 37 pacientë që kishin simptoma dhe 37 asimptomatike, zbuloi se tek ata që zhvilluan antitrupa IgG, një nga llojet kryesore të antitrupave pas infeksionit, në më shumë se 90 për qind të rasteve, pati një rënie të mprehtë në dy në tre muaj.

Është vërejtur që përqendrimi i antitrupave IgG në fazën akute të sëmundjes dhe në fazën e shërimit të hershëm ishte dukshëm më i ulët në pacientët asimptomatikë sesa tek ata që kishin simptoma.

Antitrupat ranë nën pragun e zbulimit në 40 për qind të pacientëve asimptomatikë dhe 13 për qind të pacientëve simptomatikë.

Studimi u krye nga studiues të Shkollës Mjekësore Chungking, një degë e Qendrës Kineze për Kontrollin dhe Parandalimin e Sëmundjeve dhe institute të tjera.

Studimet në rastin e SARS dhe MERS kanë treguar që antitrupat ndaj këtyre viruseve zgjasin deri në një vit.

Ky është studimi i parë që tregon se antitrupat ndaj koronavirusit që shkaktojnë Covid-19 zhvillohen edhe tek individë asimptomatikë.

Be the first to comment

Leave a Reply

Your email address will not be published.


*