John Ratcliffe konfirmohet Drejtor i Inteligjencës Kombëtare në SHBA

Të enjten, Senati votoi për të konfirmuar Republikanin John Ratcliffe si drejtorin e ardhshëm të inteligjencës kombëtare.

Ratcliffe, R-Texas, u miratua me vota 49 vota ‘pro’ dhe 44 vota ‘kundër’, raporton FoxNews.

Ky vendim vjen pasi bashkësia e inteligjencës e gjen veten përsëri në mes të një stuhie politike, mbi atë nëse bashkëpunëtorët e Trump ishin “të pa maskuar” në mënyrë të padrejtë në raportet e inteligjencës, gjatë ditëve të fundit të administratës së Obamës.

Emërtimi i Ratcliffe u votua jashtë Komitetit të Inteligjencës së Senatit në fillim të kësaj jave me një mbështetje partie, ku mori 8 vota ‘pro’ dhe 7 vota ‘kundër’, duke reflektuar tensionet e vazhdueshme mbi postin.

Gjatë seancës së konfirmimit në fillim të këtij muaji, Ratcliffe, R-Texas, iu zotua senatorëve se ai do të jepte informacione të inteligjencës, pa paragjykime nëse konfirmohet ose jo në pozicionin e drejtorit të Inteligjencës Kombëtare.

Ratcliffe, i cili ishte një nga aleatët më të egër të Trump gjatë hetimit mbi implikimin në Ukrainë, tha se ai kishte përvojën të ishte një drejtues i pavarur i 17 agjencive të inteligjencës së vendit, duke pasur parasysh punën e tij të kaluar si një prokuror federal.

“Puna më e mirë që kam pasur ndonjëherë ishte të isha avokat i Shteteve të Bashkuara dhe ajo që unë e dua … është një pozicion apolitik,” i tha Ratcliffe Komitetit të Inteligjencës së Senatit në fillim të këtij muaji.

“Unë u ngrita gjithmonë për të përfaqësuar Shtetet e Bashkuara të Amerikës. Asnjëherë njërën palë apo tjetrën.”

Ratcliffe gjithashtu u zotua t’i dërgojë presidentit informacione të vërteta, pavarësisht nëse mund ta zemërojë atë.

John Ratcliffe ofroi garanci se ai do të mbështetej në bashkësinë e inteligjencës, mes debateve të ndezura për trajtimin e informatorit, ankesat e të cilit prekte procedurat e fajësimit.

“Unë dua ta bëj shumë të qartë, nëse konfirmohet si DNI, çdo informator – e kaluara, e tashmja dhe e ardhmja – do të gëzojë çdo mbrojtje sipas ligjit,” tha ai.

Ratcliffe ishte një nga kritikët më të zëshëm të hetimit të ish-Këshilltarit Special Robert Mueller për ndërhyrjen ruse në zgjedhjet e vitit 2016.

Presidenti emëroi Ratcliffe të shërbejë si DNI në shkurt, vetëm disa muaj pasi kongresmeni tërhoqi papritmas emrin e tij për të njëjtin post, kur u paraqit për herë të parë për të zëvendësuar Dan Coats.

 

Be the first to comment

Leave a Reply

Your email address will not be published.


*