NATO mbetet baza e mbrojtjes së BE/ Stoltenberg dhe Borrell konfirmojnë bashkëpunimin për çështjet e sigurisë

Sekretari i Përgjithshëm i NATO-s Jens Stoltenberg dhe shefi i diplomacisë evropiane Josep Borrell, konfirmuan sot vazhdimin e partneritetit dhe bashkëpunimit të Aleancës dhe BE-së, për çështje e sigurisë dhe interesit të përbashkët.

“NATO është Aleanca më e fortë ushtarake në botë dhe do të mbetet pronari i përbashkët dhe baza e mbrojtjes evropiane,” tha Josep Borrell.

Josep Borrell, në takimin e tij të parë si kreu i diplomacisë së BE-së, theksoi me sekretarin e Përgjithshëm të NATO-s, se u pajtuan të vazhdojnë me forcimin e bashkëpunimit në të ardhmen.

“Ndërtimi i një mbrojtjeje të përbashkët evropiane nuk është një alternativë, por një kontribut në marrëdhëniet NATO-BE,” tha Borrell.

Jens Stoltenberg, sekretari i përgjithshëm i NATO-s, tha se do të vazhdojë të ndjekë një politikë të “plotësimit dhe jo konkurrencës” me NATO-n dhe BE-në.

“Sfidat e sigurisë me të cilat përballemi janë shumë komplekse për çdo komb individualisht. As NATO dhe as BE nuk kanë të gjitha instrumentet e nevojshëm për sigurinë e popujve tanë. Vetëm duke punuar së bashku, ne mund të arrijmë shumë,” tha Stoltenberg.

Stoltenberg tha se aleatët e NATO-s në samitin e Londrës vlerësuan se Aleanca dhe BE kanë bashkëpunim të jashtëzakonshëm veçanërisht në fushën e krizave migratore dhe refugjatëve, duke përmirësuar vullnetin e lëvizshmërisë dhe luftimin e kërcënimeve kibernetike dhe hibride.

 

Be the first to comment

Leave a Reply

Your email address will not be published.


*